Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 37-1} kaya malar uṇ kaṇṇāy kāṇāy oruvaṉ
• {KALI 37-2} vaya māṉ aṭi tērvāṉ pōla toṭai māṇṭa
• {KALI 37-3} kaṇṇiyaṉ villaṉ varum eṉṉai nōkkupu
• {KALI 37-4} muṉṉattiṉ kāṭṭutal allatu tāṉ uṟṟa
• {KALI 37-5} nōy uraikkallāṉ peyarum maṉ pal nāḷ um
• {KALI 37-6} pāyal peṟēeṉ paṭar kūrntu avaṉ vayiṉ
• {KALI 37-7} cēyēṉ maṉ yāṉ um tuyar uḻappēṉ āyiṭai
• {KALI 37-8} kaṇ niṉṟu kūṟutal āṟṟāṉ avaṉ āyiṉ
• {KALI 37-9} peṇ aṉṟu uraittal namakku āyiṉ iṉṉatūum
• {KALI 37-10} kāṇāṉ kaḻital um uṇṭu eṉṟu oru nāḷ eṉ
• {KALI 37-11} tōḷ nekiḻpu uṟṟa tuyarāl tuṇitantu ōr
• {KALI 37-12} nāṇ iṉmai ceytēṉ naṟu nutāl ēṉal
• {KALI 37-13} iṉa kiḷi yām kaṭintu ōmpum puṉattu ayal
• {KALI 37-14} ūcal ūrntu āṭa oru ñāṉṟu vantāṉai
• {KALI 37-15} aiya ciṟitu eṉṉai ūkki eṉa kūṟa
• {KALI 37-16} taiyāl naṉṟu eṉṟu avaṉ ūkka kai nekiḻpu
• {KALI 37-17} poy āka vīḻntēṉ avaṉ mārpiṉ vāy ā cettu
• {KALI 37-18} oyyeṉa āṅku ē eṭuttaṉaṉ koṇṭāṉ mēl
• {KALI 37-19} mey aṟiyātēṉ pōl kiṭantēṉ maṉ āyiṭai
• {KALI 37-20} mey aṟintu ēṟṟu eḻuvēṉ āyiṉ maṟṟu oyyeṉa
• {KALI 37-21} oḷ kuḻāy celka eṉa kūṟi viṭum paṇpiṉ
• {KALI 37-22} aṅkaṇ uṭaiyaṉ avaṉ